Marathi Bhashechi Thorvi Nibandh Marathi: नमस्कार मित्रांनो आज या लेखात मराठी भाषेची थोरवी निबंध मराठी या विषयावर निबंध माहिती पाहणार आहोत.
या लेखाच्या माध्यमातून काही मुद्दे येथे देण्याचा प्रयत्न करणार आहोत. आम्हाला आशा आहे हा निबंध तुम्हाला नक्की आवडेल. चला तर मग निबंधाला सुरुवात करुया.
मराठी भाषेची थोरवी निबंध मराठी | Marathi Bhashechi Thorvi Nibandh Marathi
माझा मराठीची बोलू कौतुके।
परि अमृतातेहि पैजासी जिंके।
ऐसी अक्षरे रसिके। मेळवीन।।
-संत ज्ञानेश्वर.
आपल्या भारत देशात अनेक भाषा बोलणारे लोक आहेत. आपल्या राज्यघटनेत 22 भाषांना मान्यता देण्यात आली आहे.
मराठी ही एक सुंदर आणि प्राचीन भाषा आहे. मराठी भाषा आज सर्व भारतीय भाषांमध्ये आपले विशेष स्थान टिकवून आहे. आपण सगळे खरच किती भाग्यवान आहोत कारण आपली मराठी ही मातृभाषा आहे. मराठी भाषेमध्ये कुठेतरी एक आपलेपण जाणवते.
आपल्या भारत देशातील २२ अधिकृत भाषांपैकी मराठी ही एक भाषा आहे. महाराष्ट्र राज्यात मराठी भाषा जास्त प्रमाणात बोलली जाते.
👉 माझा आवडता लेखक कुसुमाग्रज निबंध मराठी वाचण्यासाठी येथे क्लिक करा 👈
आपल्या भारत देशात अनेक प्रकारच्या भाषा बोलल्या जातात. मराठी ही भाषा २२ भाषांपैकी एक आहे. मराठी भाषेची महान परंपरा आहे. कारण ती अतिशय जुनी भाषा आहे. मराठी भाषा ही महाराष्ट्राची मायबोली आहे. तिचे विभाजन ही तेथील प्रदेशानुसार केले जाते.
मराठी भाषा ही प्राचीन भाषा आहे. मराठी ही महाराष्ट्र राज्याची एकमेव अधिकृत राजभाषा आहे. मराठी भाषेला खूप प्राचीन इतिहास लाभलेला आहे. उत्तर कर्नाटक, गोवा, गुजरात, आंध्रप्रदेश, मध्यप्रदेश, छत्तीसगड, तामिळनाडू या राज्यातसुद्धा मराठी भाषा बोलली जाते.
दमण आणि दीव या केंद्रशासित प्रदेशात मराठी भाषेचा वापर केला जातो. मराठी भाषा ही फिजी, इस्रायल, मॉरिशस या देशातही बोलली जाते. इतरही अनेक देशांमध्ये मराठी भाषा बोलण्याचे प्रमाण वाढत आहे.
मराठी भाषा ही आपल्याला आपल्या पूर्वजांकडून प्राप्त झाली आहे. मराठी भाषा ही महाराष्ट्र राज्यात जास्त प्रमाणात बोलली जाते. थोड्या थोड्या फरकाने ती वेगळी भासते.
लाभले आम्हास भाग्य बोलतो मराठी
जाहलो खरेच धन्य ऐकतो मराठी
धर्म , पंथ , जात एक जाणतो मराठी
एवढ्या जगात माय मानतो मराठी
– कवी सुरेश भट
मराठी भाषेची थोरवी निबंध मराठी | Marathi Bhashechi Thorvi Nibandh Marathi
मराठी भाषा खूपच गोड आणि सुंदर आहे. संत ज्ञानेश्वर हे १३ शतकातील महान वारकरी संत होते. संत ज्ञानेश्वर यांनी मराठीत “ज्ञानेश्वरी” ग्रंथ लिहिला. अनेक ग्रंथ, भारुडे ही मराठी भाषेमधून लिहिली गेली आहेत. मुकुंदराज हे 13 व्या शतकातील प्रसिद्ध कवी होते, त्यांनी “विवेक-सिद्धी” आणि “परममित्र ” हे ग्रंथ लिहिले.
संतांनी मराठी भाषेचा वापर आपल्या जीवनामध्ये केला. संत एकनाथांनी भारुडे सुद्धा लिहिले जी आजच्या काळातही प्रसिद्ध आहेत. छत्रपती शिवाजी महाराज यांनी आपल्या मातीचे रक्षण केले. आज मराठी भाषा ज्या रुपात जिवंत आहे, ती फक्त छत्रपती शिवाजी महाराजांमुळे.
मराठी भाषेतील ज्येष्ठ साहित्यकार आणि ज्ञानपीठ पुरस्कार विजेते कवी कुसुमाग्रज यांच्या जन्मदिवसानिमित्त मराठी भाषा गौरव दिन साजरा केला जातो. मराठी साहित्याची महानता ओळखण्यासाठी आणि त्यांचा सन्मान करण्यासाठीही मराठी भाषा दिवस साजरा केला जातो. मराठी भाषा गौरव दिन मोठ्या उत्साहात साजरा केला जातो.
या दिवशी मराठी गायन ,वादन, वक्तृत्व स्पर्धा, मराठी निबंध स्पर्धा अशा यांचे आयोजन केले जाते. तसेच अनेक ठिकाणी मराठी नाटक काव्य संमेलन आणि मराठी संगीत कार्यक्रम आयोजित केले जातात.
त्यांनी महाराष्ट्राच्या सांस्कृतिक क्षेत्रामध्ये महत्त्वपूर्ण योगदान दिले आहे आणि मराठी ज्ञान भाषा व्हावी यासाठी अथक प्रयत्न केले आहेत. आपल्या पुढील पिढीने मराठी भाषेचे संवर्धन करावे म्हणून हा दिवस साजरा केला जातो.
अलीकडे अनेक संवाद हे जागतिक स्तरावर होत असल्या कारणाने लोक इंग्रजी भाषेचा वापर करत चालले आहेत. तरुण पिढी परदेशांत उच्च शिक्षणासाठी जातात, तिथे जाऊन त्यांनी तिथली बोलीभाषा जरूर शिकून घ्यावी परंतु आपली मायबोली मराठी भाषा ही बोलावी. जेणेकरून ती समृद्ध होईल.
याशिवाय मराठी भाषेचे महत्त्व सर्वांपर्यंत पोहोचवण्यासाठी आपले सरकार अनेक कार्यक्रमांचे आयोजन करत असते. आपण मराठी भाषेचे संवर्धन केले पाहिजे. म्हणूनच मराठी भाषेचा जागर करून, तिला समाजामध्ये प्रतिष्ठित भाषेचा दर्जा मिळवून देण्याची जबाबदारी आता आपली आहे.
तर मित्रांनो तुम्हाला “मराठी भाषेची थोरवी निबंध मराठी | Marathi Bhashechi Thorvi Nibandh Marathi” हा लेख आवडला असेल तर इतरांना शेअर करायला विसरू नका.
मित्रांनो, तुमच्याजवळ या सबंधित आणखी मुद्दे असतील तर आम्हाला comments करून कळवा आम्ही या लेखात त्यांना update करू. या लेखामध्ये काही लिहायचे राहून गेले असेल किंवा काही चुका असतील तर त्या आम्हाला कंमेंट करून कळवाव्यात आम्ही त्यामध्ये सुधारणा करत राहू….👍👍
आम्ही या ब्लॉगच्या मदतीने देत असलेली माहिती तुम्हाला नक्की आवडेल व या माहितीचा वापरही तुम्हाला होईल अशी आम्ही आशा करतो.
धन्यवाद